'விஸ்வரூபம்'.. அடுத்து ?

கமல் இப்போது இயக்கி , நடித்து , தயாரித்து வரும் ' விஸ்வரூபம் '
படப்பணிகளில் மும்முரமாக ஈடுபட்டு வருகிறார். இப்படத்தினை அடுத்து கமல்
எந்த படத்தில் நடிக்க இருக்கிறார் என்பது குறித்து பல்வேறு தகவல்கள்
வெளியாகி வந்தன.
' விஸ்வரூபம் ' படத்தினை அடுத்து தமிழ் , இந்தி என இரு மொழிகளில் தயாராக
இருக்கும் ' அமர் ஹெய்ன் ' என்னும் படத்தில் நடிக்க இருக்கிறாராம் கமல்.
இப்படத்தையும் அவரே இயக்கி நடிக்கவுள்ளார்.
இந்தி பதிப்பிற்கான தலைப்பு ' அமர் ஹெய்ன் ' வைக்கப்பட்டுள்ளது. தமிழ்
பதிப்பிற்கு இன்னும் தலைப்பு முடிவாகவில்லை.
இப்படம் குறித்து கமல் " இந்த படத்திற்கான கதையை இரண்டு ஆண்டுகளுக்கு
முன்னரே தயார் செய்துவிட்டேன். ஆனால் அப்போது அந்த படத்தை எடுக்க சரியான
தயாரிப்பாளர் கிடைக்கவில்லை. இப்போது அதற்கான நேரம் கூடி வந்துள்ளது. '
விஸ்வரூபம் ' படத்தை முடித்த பின்னர் இப்படத்தினை இயக்கவுள்ளேன் " என்று
தெரிவித்துள்ளார்.
தற்போது இந்தியாவில் தலைவிரித்தாடும் ஊழலுக்கு எதிரான பதிவாக இப்படம்
அமையும் என சொல்லப்படுகிறது.

தனுஷ் – ஸ்ருதி ஹாசன் விவகாரம் :மன்னிப்பு கேட்கும் பிரபல வார இதழ்?

கடந்த வாரம் முதல்வர் ஜெயலலிதாவை இழிவாக சித்தரித்தாக குற்றம்சாட்டப்பட்ட
நக்கீரன் பத்திரிகை மீது
முதல்வர் தரப்பினால், உயர்நீதி மன்றத்தில் அவதூறு வழக்கு
தொடுக்கப்பட்டது. இந்த வழக்கில், உயர்நீதிமன்றத்தின் உத்தரவை ஏற்று,
நக்கீரன் பத்திரிகையில் முதல்பக்கத்தில் செய்தி வெளியிட்டு வருத்தம்
தெரிவித்தது அந்த வார இதழ்.
இதேபோல முன்னணி ஹீரோ தனுஷுடன் ,கமலின் மூத்த மகள் ஸ்ருதி ஹாசனைஇணைத்து
செய்தி வெளியிட்டதற்காக மற்றுமொரு முன்னணி தமிழ் வார இதழான குமுதத்திற்கு
வக்கீல் நோட்டீஸ் அனுப்பிருந்தார் பாதிக்கப்பட்ட ஸ்ருதி ஹாசன்.
தனுஷ் மனைவி ஐஸ்வர்யா இயக்கி வரும் 3 படத்தில் தனுஷ் ஜோடியாக நடித்து
முடித்திருகிறார் ஸ்ருதி. படத்தில் நடிக்கும்போது தனுஷுக்கும்
ஸ்ருதிக்கும் காதல் அரும்பியதாகவும், இருவரும் ஜோடியாக சுற்றுவதாகவும் ,
இதனால் ரஜினி வீட்டில் ஸ்ருதி மீது கோபமாக இருப்பதாகவும் கவர் ஸ்டோரியாக
வெளிட்டது அந்த வார இதழ்.
இந்த செய்தியை மறுநாள் ஆங்கிலப் பத்திரிகையும், மேலு பல காமர்ஷியல்
இணையதளங்களும் அதிக தடவை மீள்பிரசுரித்தன. இந்த செய்திகளை முதலில்
ஐஸ்வர்யா தனுஷ் மற்றும் ஸ்ருதி ஹாஸன் இருவரும் உடனடியாக மறுத்தனர்.
ஆனால் அப்பா வழியில் நியாமான கோபத்துக்கு உள்ளான ஸ்ருதிஹாசன் அந்த வார
இதழுக்கு விளக்கம் கேட்டு நேற்று முந்தினம் வக்கீல் நோட்டீஸ்
அனுப்பியிருகிறார்.
இந்த வக்கீல் நோட்டீஸைப் பெற்றுக்கொண்ட குமுதம் வார இதழ், உடனடியாக தனது
வழக்குரைஞரை அழைத்து ஆலோசித்ததோடு, ஸ்ருதிஹாசனுக்குவருத்தம் தெரிவித்து
தனிக் கடிதம் அனுப்பியிருப்பதாக நமக்கு தகவல் கிடைக்கிறது.
இந்தவருத்தத்தை ஸ்ருதி ஏற்றுக்கொள்ளாத பட்சத்தில், நக்கீரன் போன்று தனது
வெளியிட்டு பிரதியில் வருத்தம்கேட்கலாம் என்கிறார்கள் சம்பந்தப்பட்ட
பத்திரிகை அலுவலக வட்டாரத்தில்..!

தலையும் உலக நாயகனும் இணையும் படம் – கோடம்பாக்கத்தில் பரபரப்பு

கூட்டல் கழித்தல் மாதிரிதான் கோடம்பாக்கத்தில் நடைபெறும் முட்டல்
மோதல்களும்! தசாவதாரம் படம் வெளியான நேரத்தில் உச்சக்கட்ட மிர்ச்சியாக
இருந்தார்கள் அப்படத்தின் ஹீரோவான கமலும், தயாரிப்பாளரான ஆஸ்கர்
ரவிச்சந்திரனும் படத்தின் ரிலீஸ் திகதியை கூட பேப்பர் விளம்பரத்தை
பார்த்தே அறிந்து கொள்ள முடிந்தது கமலால். அப்படியெல்லாம் தள்ளி நின்ற
இருவரும் இப்போது மீண்டும் கை கோர்த்திருக்கிறார்கள்.
இந்த கூட்டணி கூண்டுக்குள் அடைக்கலமாகியிருப்பது கமல் மட்டுமல்ல, ஒரு
காலத்தில் ஆஸ்கர் பிலிம்சில் அடுத்தடுத்த படங்களில் நடித்த
அஜீத்தும்தான். அந்த நேரத்தில் அஜீத்துக்கும் ஆஸ்கருக்கும் கூட மயிரிழை
அளவுக்கு மனக்கசப்பு இருந்தது.
ஒரு சின்ன புன்னகை எல்லாவற்றையும் வென்று விடுமல்லவா? இப்போது மீண்டும்
அந்த அதிசயம் நிகழப்போவதாக கிசுகிசுக்கிறார்கள் கோடம்பாக்கத்தில்.
கமல் நடிக்கவிருக்கும் இந்த புதிய படத்தில் ஒரு முக்கியமான ரோலில்
அஜீத்தையும் நடிக்க வைக்கும் முயற்சியில் இறங்கியிருக்கிறாராம் ஆஸ்கர்
ரவிச்சந்திரன். இவரும் ஆகட்டும்பார்க்கலாம்… என்று கூறியிருக்கிறாராம்.

Happy pongal

என் வயதுக்கேற்ற கேரக்டர்களில் நடிக்கிறேன்- கமலஹாசன்

 

 

 

கமல் 'விஸ்வரூபம்' படத்தில் நடிக்கிறார். அவரே இப்படத்தை இயக்குகிறார். ரூ.120 கோடி பட்ஜெட்டில் தயாராகிறது. கதாநாயகியாக சோனாக்ஷி ஒப்பந்தம் செய்யப்பட்டு உள்ளார். இப்படத்தை செல்வராகவன் இயக்குவதாக இருந்தது. திடீரென்று அவர் நீக்கப்பட்டு கமலஹாசனே டைரக்டு செய்கிறார்.

 

படம் பற்றி கமல் அளித்த பேட்டி வருமாறு:-

 

விஸ்வரூபம் படம் தமிழ், இந்தியில் நேரடி படமாக தயாராகிறது. இப்படத்தில் நடிக்க நானும் சோனாக்சி சின்காவும் தேதி ஒதுக்கி இருந்தோம். ஆனால் படப்பிடிப்பு திட்டமிட்டப்படி துவக்கப்படாமல் எங்கள் கால்ஷீட் வீணானது. எனக்கு நேரத்தை வீணாக்குவது பிடிக்காது. அதனால்தான் பிறந்தநாளை கூட கொண்டாடுவது இல்லை. எனவேதான் நானே படத்தை இயக்குகிறேன்.

 

இந்தியா மற்றும் அமெரிக்கா, பிரிட்டன் நாடுகளில் படப்பிடிப்பு நடக்கிறது. தசாவதாரம், ஹேராம் போன்ற எனது படங்கள் இந்தியில் டப்பிங் செய்யப்பட்டன. ஆனால் இந்தி வசன உச்சரிப்புகள் அவற்றில் சரியாக பொருந்தவில்லை. எனவேதான் 'விஸ்வரூபம்' படத்தை இரு மொழிகளிலும் நேரடியாக எடுக்கிறேன். நான் சினிமாவுக்கு வந்து 50 வருடங்கள் ஆகிறது. இன்னும் நடிப்பில் சலிப்பு வரவில்லையா? என்று கேட்கிறார்கள்.

 

பணம், புகழுக்காக நடிக்க வந்து இருந்தால் 25 வருடங்களுக்கு முன்பே சினிமாவை விட்டு விலகி இருப்பேன். கேமிரா முன் நிற்பதில் எனக்கு மகிழ்ச்சியும் ஆத்ம திருப்தியும் கிடைக்கிறது. எனவேதான் தொடர்ந்து சினிமாவில் இருக்கிறேன். என் வயதுக்கேற்ற கேரக்டர்களில் நடித்து வருகிறேன்.

 

இவ்வாறு கமல் கூறினார்